अपाङ्गता रोकथाम तथा पुर्नस्थापना कार्यक्रम संचालनका लागि अपाङ्गता भएका क्षेत्रमा काम गर्दै आएको करुणा फाउण्डेसन नेपाल र साकेला गाउँपालिकाबीच सम्झौता भएको छ ।

गाउँपालिकाको तर्फबाट अध्यक्ष रवि प्रकाश राई, निमित प्रमुख प्रशासकीय अधिकृत दुर्ग बहादुर राई तथा करुणा फाउण्डेसन नेपालका व्यवस्थापक सन्तोष घिमिरे र वरिष्ठ कार्यक्रम अधिकृत गिता त्वानावासु र साकेला गाउँपालिका संयोजक रुपा श्रेष्ठले सम्झौता पत्रमा हस्ताक्षर गर्नुभएको छ । प्रदेश सरकार सामाजिक मन्त्रालयले सुरु गरेको कार्यक्रममा तीन पक्षीय लागत साझेदारी रहने छ ।

२० औं महिला सामूदायिक स्वास्थ्य स्वयंम सेविका दिवसकाे अवसरमा साकेला गाउँपालिकाद्वारा आयाेजित हाजिरी जवाफ प्रतियाेगिता कार्यक्रम साकेला गाउँपालिका उपाध्यक्ष बिर्सिका राईकाे प्रमुख आथित्यतामा सम्पन्न भएको छ । निमित्त प्रमुख प्रशासकीय अधिकृत दुर्ग बहादुर राईकाे सभापतित्वमा सम्पन्न भएको हो।

साकेला गाउँपालिकालाई सुसंस्कृत, संस्थागत र समृद्ध बनाई पूर्ण रुपमा सरसफाईमैत्री पालिका निर्माण गर्ने लक्ष्य अनुरुप गाउँपालिकास्थित मानेभञ्ज्याङदेखि नौलाखर्कसम्मका सडक, बजार, सार्वजनिस्थलहरु सरसफाई गरिनुका साथै फोहोरमैला व्यवस्थापनका लागि बजार, सडक र पार्कमा डष्टविन राखिएको। फोहोरमैला व्यवस्थापनबारे पूर्ण सरसफाई कार्यक्रमका कर्मचारीहरुबाट सडक नाटक समेत प्रस्तुत गरिएपछि गाउँपालिका अध्यक्ष रवि प्रकाश राईको नेतृत्वमा सरसफाई कार्यक्रम सञ्चालन भएको हो । सरसफाई कार्यक्रममा निर्वाचित जनप्रतिनिधिहरु, कर्मचारीहरु, सुरक्षाकर्मी, स्थानीय व्यापार व्यवसायीहरुको उल्लेखनीय सहभागिता रहेको थियो । 

साकेला गाउँपालिका संविधान दिवश मनाँउदै